Almaty kóshelerinde birneshe kún kólik qozǵalysy shekteledi

<p>ALMATY. KAZINFORM &ndash; Almaty polıtsııa departamenti jol qozǵalysyndaǵy shekteýlerge baılanysty turǵyndarǵa eskertý jasady.</p>

30 mamyr men 6 maýsym aralyǵynda Almatyda birqatar halyqaralyq is-shara ótedi:

- 30-31 mamyrda Ujymdyq qaýipsizdik týraly shart uıymyna (UQShU) múshe memleketterdiń Qorǵanys mınıstrleri keńesiniń otyrysy ótedi.

- 2-3 maýsym kúni Almatyda UQShU Parlamenttik Assambleıasy keńesiniń otyrysy ótedi.

- 5-6 maýsymy Almatyda UQShU qaýipsizdik keńesteri hatshylary komıtetiniń otyrysy bolady.

«Osyǵan baılanysty, is-sharalardyń aýqymyn, sondaı-aq qatysýshylar men qonaqtardyń sanyn eskere otyryp, Almaty qalalyq polıtsııa departamenti kólik qozǵalysyna ishinara shekteý qoıylǵany týraly habarlaıdy.

Aıta ketý kerek, jol shekteýleri qoǵamdyq kólikterge áser etpeıdi. Biz azamattardan ýaqytsha sharalarǵa túsinistikpen qaraýdy jáne keptelisterdi boldyrmaý úshin aldyn ala baǵyttaryn retteýdi suraımyz»,- dep habarlady vedomstvodan.