«Almaty» klýby voleıboldan sýperkýbok ıegeri atandy

<p>Petropavl qalasynda áıelderdiń Ulttyq lıga komandalary arasynda HHHІІ Qazaqstan chempıonaty birinshi týrynyń aıasynda sýperkýbok sarapqa salyndy, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Sýperkýbok úshin matchta bıylǵy kýbok ıegeri, jergilikti «Qýanysh» pen «Almaty» voleıbol komandasy alańǵa shyqty.

Taldyqorǵan qalasynda el kýbogi oıyndarynyń fınalynda Azamat Esimov baptaıtyn «Qýanysh» almatylyqtardy 3:1 esebimen tize búktirgen edi.

Bıyl el chempıony «Altaı» quramyndaǵy negizgi voleıbolshylar ketip qalǵandyqtan, Qazaqstan voleıbol federatsııasynyń sheshimimen sýperkýbok «Qýanysh» pen «Almaty» komandalary arasynda oınatyldy.

Bul joly báseke asa tartysty órbidi. Birinshi partııada 25:23 esebimen Rafael Gılıazýtdınov jattyqtyratyn almatylyqtar basym tússe, ekinshisinde soltústikqazaqstandyqtar ese qaıyrdy – 25:21. Sodan keıin «Almaty» qaıtadan alǵa ketti – 25:22. Tórtinshi sette «Qýanysh» tarazy basyn teńestirdi – 25:14. Degenmen besinshi partııada R.Gılıazýtdınovtiń shákirtteri jeńisti julyp áketti – 18:16. Ásirese, «Almaty» sapyndaǵy kýbalyq shabýylshy Regla Flavııa Martınez Ortız tamasha oınady.

Osylaısha, «Almaty» «Qýanyshtan» qarymta qaıtaryp, sýperkýbokti jeńip aldy.

Eske sala keteıik, budan buryn «Qýanysh» voleıbol komandasynyń Qazaqstan kýbogin jeńip alǵanyn jazǵan bolatynbyz.