Almaty kásipkerleri jyl basynan beri 2 trln teńgege jýyq salyq tólegen

<p>ALMATY. KAZINFORM &ndash; Megapolıste 406 myńnan astam shaǵyn jáne orta bıznes sýbektileri tirkelgen. Bul týraly Óńirlik kommýnıkatsııalar qyzmetiniń brıfınginde Almaty qalasynyń &laquo;Atameken&raquo; óńirlik kásipkerler palatasynyń dırektory Nursultan Shoqanov málimdedi.</p>

Onyń aıtýynsha, almatylyqtar kásipkerler bıyl 4 aı ishinde 2 trln teńgege jýyq salyq tólegen. Jalpy salyq túsimderiniń 40%-y sheteldik kompanııalarǵa tıesili.

Foto: Almaty qalasy ÓKQ

«Almaty - qazaqstandyq kásipkerliktiń ortalyǵy. Ótken jyly ǵana respýblıkalyq qazynaǵa Almaty bıznesi 5 trln teńgeden astam qarjy aýdarǵan. 2024 jyldyń 4 aıynda - 1,7 trln teńgeden astam salyq tólendi. Bir qyzyǵy, sheteldik qatysýy bar kásiporyndardyń úlesine salyq túsimderiniń 40%-ǵa jýyǵy tıesili, ıaǵnı Almaty halyqaralyq bıznes júrgiziletin qalalar arasynda óńirlik kóshbasshy mártebesin rastaıdy», - dedi Nursultan Shoqanov.

Sondaı-aq ol Almaty qalasynyń ÓKP qurylymynda quqyqtyq qorǵaý, qoǵamdyq monıtorıng jáne memlekettik organdarmen ózara is-qımyl bólimi jumys isteıtinin atap ótti. Bul bólim kásipkerlerge jan-jaqty quqyqtyq kómek kórsetedi.

«Tek 2023 jyldyń ózinde Almaty qalasynyń ÓKP bıznestiń 2720 ótinishin qarady. Bizdiń aralasýymyzdan keıin 6 myńnan astam kásipkerdiń quqyqtary qorǵaldy. Negizinen kelisim komıssııasynyń materıaldary boıynsha zańsyz eseptelgen aıyppuldar, ósimpuldar, qosymsha esepteýler, múliktik shyǵyndardyń aldyn aldy», – dedi ol.