Almaty-Qaraǵandy avtomobıl joly qashan tolyq paıdalanýǵa beriledi
«Qaraǵandy-Almaty avtojolynyń bóligine qatysty aıtar bolsaq, 2019 jyldan beri atalǵan ýchaskede 4 jolaqty qozǵalys, qarama-qarsy qozǵalysty bóletin kedergi jaqtaýlar qarastyrylǵan ІІІ-ten І-b tehnıkalyq sanatqa aýystyrý úshin jańǵyrtý jumystary júrgizilip jatyr», - delingen kompanııanyń agenttik saýalyna bergen jaýabynda.
Mekeme málimetinshe, jańǵyrtylatyn avtomobıldiń uzyndyǵy 946 shaqyrymdy quraıdy. Ol mynadaı 4 negizgi ýchaskege bólingen: Qaraǵandy-Balqash (363 shaqyrym), Balqash-Býrylbaıtal (288 shaqyrym), Býrylbaıtal-Kúrti (228 shaqyrym), Kúrti-Qapshaǵaı (67 shaqyrym).
«Búginde 846 shaqyrymda qozǵalys qamtamasyz etilgen. Kezeń-kezeńmen paıdalanýǵa berý jospary mynadaı: 2023 jyly 208 shaqyrym paıdalanýǵa berildi (Balqash-Býrylbaıtal 1,2,5 ýchaskeleri – 127 shaqyrym, Býrylbaıta-Kúrti 2-ýchaske – 81 shaqyrym). Uzyndyǵy 738 shaqyrym bolatyn qalǵan ýchaskelerdi 2024-2025 jyldary aıaqtaý josparlanyp otyr», - dep naqtylady kompanııadan.