Almaty qalasynyń Taý-Samal shaǵyn aýdanynda syrǵyma túsip, eki úıge zaqym keldi

<p>ASTANA. KAZINFORM - 8 aqpanda saǵat 02.20-da Almaty qalasy Medeý aýdanynyń Taý-Samal shaǵyn aýdanynda aldyn ala aqparat boıynsha tehnogendik sıpattaǵy topyraqtyń ylǵaldanýynan syrǵyma tústi, dep habarlaıdy QR Tótenshe jaǵdaılar mınıstrliginiń baspasóz qyzmeti.</p>

Baspasóz qyzmetiniń málimetterine qaraǵanda, oqıǵa ornyna Qazseldenqorǵaýdyń, Almaty qalasy 109 qutqarý qyzmetiniń, Respýblıkalyq jedel-qutqarý jasaǵynyń, Almaty TJD kúshteri men quraldary jiberildi. Oqıǵa ornyna kelgen kezde syrǵyma saldarynan eki úıge zaqym kelgeni anyqtaldy.

Oqıǵa ornynda TJD basshylyǵy bar. TJM Respýblıkalyq jedel-qutqarý jasaǵynyń qutqarýshylary tekserý júrgizýde.

Jaǵdaıdy taldaýǵa sáıkes, qardyń edáýir mólsheriniń túsýine baılanysty orta taýly jáne bıik taýly aımaqtarda taýlardyń betkeılerindegi qardyń turaqsyzdyǵyna baılanysty qar kóshkini qaýpi bar.

Aıta keteıik, jyljyma - bul erigen, jańbyr nemese jer asty sýlarynyń balshyq tárizdi kúıge qanyǵýyna baılanysty aýyrlyq kúshiniń áserinen tómen qaraı jyljyǵan tereńdigi bir metrge deıingi qýaty az topyraq qabatynyń jolaǵy.

Almaty qalasy TJD jáne Qazseldenqorǵaý syrǵyma qaýpi bar ýchaskelerde turǵyn úıler salýdy usynbaıdy.

Taýdyń baýraıyn úı salý, joldardy kesý, josparlaý jumystary úshin kesý usynylmaıdy.

Ashyq septıkterdi, dárethanalardy jáne basqalaryn paıdalanýǵa tyıym salynady. Turǵyn úı alaptarynyń ıelerine, baý-baqsha jáne saıajaı qoǵamdarynyń basshylaryna sý qubyrlary men sýarý qubyrlarynyń, septıkterdiń jaǵdaıyn únemi qadaǵalap otyrý usynylady.