Toǵyz adam Almaty qalasynyń qurmetti azamaty atandy

<p>ALMATY. KAZINFORM - Megapolıs turǵyndary dástúr boıynsha qyrkúıektiń úshinshi jeksenbisinde Qala kúnin atap ótip jatyr. Almatynyń ár jerinde merekelik is-sharalar &ndash; kontsertter, kórmeler, fleshmobtar, festıvalder jáne basqa da kóptegen sharalar uıymdastyryldy. Merekelik is-sharalar Abaı alańynda ótken &laquo;Almaty &ndash; bizdiń ortaq úıimiz&raquo; atty otbasylyq festıvalden bastalyp, qala ákimi Erbolat Dosaev almatylyqtardy quttyqtady.</p>

Foto: Almaty ákimdigi

«Almaty árqashan aldyńǵy shepte bolyp, oń ózgeristerdiń jarqyn úlgisi bolýy kerek, buǵan bar kúshimizdi, bilimimizdi jáne tájirıbemizdi jumsaımyz. Almatyny árbir adam óz úıindeı sezinetin jaıly ári qaýipsiz qalaǵa aınaldyrý – bizdiń qolymyzda», – dedi megapolıs basshysy.

Qala basshysy dástúr boıynsha qalany damytýǵa úles qosqan azamattardy «Almaty qalasynyń qurmetti azamaty» ataǵymen marapattady.

Foto: Almaty ákimdigi

Olardyń qatarynda kózi nashar kóretin sýretshi Alekseı Ýtkın, keskindemeshi Erbolat Tólepbaı, kompozıtor Erulan Qanafııanov, aqyn Ulyqbek Esdáýlet, tehnıka ǵylymdarynyń doktory Jumabaı Baınatov, Aqsaqaldar keńesiniń tóraǵasy Ahmetjan Shardınov, Perınatologııa jáne balalar kardıohırýrgııasy ortalyǵynyń dırektory Gúlnár Nurlanova, qurmetti ushqysh Dmıtrıı Dýshımov jáne kásipker, metsenat Nurlan Smaǵulov bar. 

Foto: Almaty ákimdigi

Sonymen qatar, qurmetti ataq Memlekettik qýyrshaq teatryna berildi. 

Marapattan keıin is-shara «Almaty áýenderi» shyǵarmashylyq ujymdary men solısteriniń qatysýymen ótken merekelik kontsertke ulasty.

Eske salaıyq, buǵan deıin Almatyda qala kúni toılanyp jatqanyn jazǵanbyz. 

Foto: Almaty ákimdigi