Almaty qalasynyń dızaın-kod jobasy ázirlendi

<p>Almaty qalasynyń dızaın-kod jobasy qoǵamdyq talqylaýǵa shyǵaryldy, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Qujatta kórsetilgendeı, dızaın-kod kóshe-jol keńistigine qoldanylady jáne abattandyrý elementterin bezendirý jáne ornalastyrý tártibin, sondaı-aq ǵımarattar men qurylystardyń qasbetterin bezendirý talaptaryn qamtıdy.

«Dızaın-kody – bul qalalyq keńistik elementteriniń mindetti vızýaldy quramdas bóligin retteıtin usynystar jıyntyǵy. Ǵımarattar men qurylystardyń qasbetteri, abattandyrý, mańdaıshalar, kórsetkishter, shaǵyn sáýlet nysandary jáne birtutas estetıkalyq arhıtektýrany, jaıly, qoljetimdi jáne qaýipsiz qalalyq ortany qalyptastyrýǵa baǵyttalǵan qalalyq ınfraqurylym», - delingen qujatta.

Joba 2023 jyldyń 25 jeltoqsanyna deıin qoǵamdyq talqylaý úshin NQA portalynda jarııalandy. 

Aıta keteıik, byltyr jaz aıynda Almaty qalasyna qatysty túzetýler boıynsha qala qurylysy keńesin engizý jáne qalanyń dızaın-kodyn qabyldaý usynylǵan edi. 

Almaty qalasynyń dızaın-kod jobasyn 2021 jyly qabyldaý josparlanǵan bolatyn. 

Mamandardyń aıtýynsha, bul megapolıs problemalaryn sheshý ári qala turǵyndarynyń ómir súrý jaǵdaıyn jaqsartý boıynsha kelisilgen qala qurylysy saıasatyn júrgizýge múmkindik beredi. Sondaı-aq biryńǵaı sáýlettik kelbet berýdi qamtamasyz etedi.