Almaty qalasynyń 2029 jylǵa deıingi Keshendi jospary bekitildi

<p>Almaty aglomeratsııasyn 2029 jylǵa deıingi damytýdyń keshendi josparyn qalanyń máslıhat depýtattary kezekten tys sessııada maquldady, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform.</a></p>

Almaty qalasy ákimdiginiń baspasóz qyzmetinen málim etkendeı, qujat aýmaqtyq, áleýmettik, jol-kólik, ınjenerlik, ekonomıkalyq, ekologııalyq jáne tsıfrlyq damýdy qosqanda 16 strategııalyq baǵytty qamtıdy.

Almaty ákiminiń orynbasary Asqar Ámrın atap ótkendeı, Keshendi jospar aıasynda qala jáne oblys ákimdikteriniń qyzmetin negizgi baǵyttar boıynsha úılestirý kózdelgen.

«Tsıfrlyq damý baǵytynda derekter bazasyn ıntegratsııalaý jáne biryńǵaı geoaqparattyq júıeni júrgizý josparlanýda. Bul aglomeratsııanyń kartografııalyq jáne qala qurylysy derekterin biriktirýge, qala mańy aýmaqtarynyń nysanaly maqsatyn bekitýge múmkindik beredi», – dedi alǵy sózinde Asqar Ámrın.

Sonymen qatar ol Almaty aglomeratsııasynyń biryńǵaı kólik modeli ázirlenetinin jetikizdi.

«Qalanyń jáne qala mańyndaǵy aımaqtyń qoǵamdyq kóligin biriktirý, Úlken Almaty aınalma avtojolyna deıingi 4 radıaldy jáne 7 ishki magıstraldy kóshelerdi uzartý, qala mańyndaǵy temir jol jolaýshylar tasymalyn damytý, jańa bilim berý jáne densaýlyq saqtaý nysandaryn salý, qala mańy aımaǵynda jumys oryndaryn ashý jáne aglomeratsııanyń biryńǵaı jasyl dálizin qurý josparlanǵan», – dedi ol.