Almaty qalasyndaǵy órtke qatysty qylmystyq is tirkeldi

<p>Hosteldegi órttiń shyǵý sebepterin tekserý úshin mınıstr general-maıor Syrym Sháriphanovtyń basshylyǵymen TJM-nyń jedel toby oqıǵa ornyna attandy, dep habarlaıdy <a href="https://kaz.inform.kz/" target="_blank" rel="noopener">Kazinform</a> Tótenshe jaǵdaılar mınıstrligi baspasóz qyzmetine silteme jasap.&nbsp;</p>

Aldyn ala málimetter boıynsha órt oshaǵy jertóleniń dálizinde bolǵan.

Órt ornynda Almaty qalasy TJD órt synaý zerthanasynyń anyqtaýshylary men mamandary jumys istep jatyr.

Bul obekt bir jarym aı buryn hostel retinde qaıta jabdyqtalǵan. Hosteldiń aýdany – 457 sharshy metr.

Almaty qalasy TJD órttiń osy faktisi boıynsha QR Qylmystyq kodeksiniń 292-babyna sáıkes qylmystyq is tirkeldi.

Eske salaıyq, búgin tańerteń Almatyda bolǵan órt saldarynan 13 adam kóz jumdy, ekeýi aýrýhanaǵa jetkizildi. 59 adam shuǵyl evakýatsııalandy. 56-sy jaqyn mańdaǵy mektepke ýaqytsha ornalastyryldy. Mundaǵy turǵyndardyń deni — shet memleketterdiń azamattary. Olar — stýdentter men jaldamaly jumysshylar.

Premer-Mınıstr Álıhan Smaıylovtyń ókimimen Almaty qalasyndaǵy hostelde bolǵan órttiń sebebin tekserý jáne onyń saldaryn joıý jónindegi Úkimettik komıssııa quryldy.