Almaty men Stepnogorde uıymdasqan qylmystyq top músheleri ustaldy

<p>ASTANA. KAZINFORM - Іshki ister mınıstrligi uıymdasqan qylmystyq toptardyń qyzmetin anyqtaý jáne jolyn kesý boıynsha jumysty júıeli túrde júrgizýde, &ndash; dep habarlaıdy <a href="https://polisia.kz/iim-uqt-zhetekshileri-men-belsendi-mushelerin-ustady/" target="_blank" rel="noopener">Polisia.kz.</a></p>

Olardyń krımınaldyq qyzmeti týraly dálelderdi jınaý arqyly qylmystyq toptardyń jetekshileri men belsendi múshelerin qoǵamnan oqshaýlaý jóninde keshendi sharalar qabyldanyp jatyr.

Jyl basynan beri uıymdasqan qylmystyq top qurý, oǵan basshylyq etý jáne qatysý boıynsha 15 fakti anyqtalyp, tirkeldi.

Ártúrli qylmystar jasaǵany úshin qylmystyq toptardyń 30-dan astam jetekshileri men belsendi músheleri ustaldy.

Máselen, 7 aqpanda Іshki ister mınıstrligi men Ulttyq qaýipsizdik qyzmeti ókilderi Almaty qalasynda quramynda belgili «Aıshýaq-Jantúgel» uıymdasqan qylmystyq tobynyń músheleri bar topty quryqtady. Jedel-tergeý is-sharalarynyń nátıjesinde 14 adam ustaldy. 7 atys jáne travmatıkalyq qarý, 4 granata, 200-den astam oq-dári, esirtki zaty, sondaı-aq basqa da sýyq qarý tárkilendi.

Top músheleri kásipkerlerge ózderiniń krımınaldyq «qamqorlyǵyn» kórsete otyryp, olardy bopsalaýmen aınalysqany anyqtaldy. Olar Almaty qalasynyń temir jol vokzaldary aýmaǵynda, sondaı-aq bazarlarynda óz yqpalyn júrgizgen.

– Ustalǵan adamdarǵa qatysty Almaty qalasy Polıtsııa departamenti tergeý basqarmasy bopsalaý jáne bas bostandyǵynan zańsyz aıyrý faktileri boıynsha birneshe qylmystyq isti tergeýdi bastady, – dedi QR ІІM uıymdasqan qylmysqa qarsy kúres departamentiniń basqarma bastyǵy Qýandyq Alpys.

Sol kúni polıtsııa kúshimen Stepnogorsk qalasynda osyǵan uqsas operatsııa júrgizildi. Jedel jumystyń nátıjesinde qorqytý jáne kúsh kórsetý arqyly qalanyń turǵyndaryn bopsalaýmen aınalysqan jergilikti qylmystyq toptyń joly kesildi.

– Qylmystyq toptyń barlyq músheleri ustalyp, ýaqytsha ustaý ızolıatoryna qamaldy. Olarǵa qatysty Aqmola oblysy Polıtsııa departamenti tergeý basqarmasy bopsalaý faktileri boıynsha 6 qylmystyq isti tergep jatyr. Kórsetilgen faktiler boıynsha ózge málimetter tergeý múddesinde jarııalanbaıdy, – dedi Qýandyq Alpys.