Almaty qalasy men oblysynda 200-den astam sheteldik kólik zańsyz tirkelgen

<p>&nbsp;Almaty qalasy men Almaty oblysynda 200-den astam sheteldik kólik zańsyz tirkeldi. Urlanǵan avtokólikterdi Qazaqstannan kórshiles elderge shyǵarý faktileri tirkelmedi. Bul týraly QR Іshki ister mınıstrliginen málim boldy, dep habarlaıdy <a href="https://kaz.inform.kz/" target="_blank" rel="noopener">QazAqparat</a> tilshisi.&nbsp;</p>

«Urlanǵan avtokólik nemese kólik bólshekteri boıynsha tirkelgen qylmystyq ister aıasynda tıisti oryndar tekserildi. Bul turǵyda qosalqy bólshekter satylatyn jerler men avtokólik bazarlary tekseriledi. Sondaı-aq aýmaqtyq polıtsııa departamentteriniń qyzmetkerleri avtokólik bólshekterin satatyn bazarlarda jedel-profılaktıkalyq is-sharalardy turaqty túrde júrgizedi», - delingen mınıstrliktiń «QazAqparat» agenttigine bergen jaýabynda.

Vedomstvo aqparatyna qaraǵanda, bıyl elimizdiń birqatar óńirinde shetelden ákelinetin kólikterdi qazaqstandyq esepke zańsyz qoıý faktilerin anyqtaý boıynsha jedel-izdestirý is-sharalary atqarylǵan.

«Almaty qalasynda sheteldik avtomobılderdiń tirkeý qujattaryn burmalaý jolymen (Ońtústik Koreıadan ákelinetin: «K-5», «K-7», «Hýndaı Polısad» jáne «Toıota Kamrı-70») 2018 jylǵy shyǵarylǵan kólikterdi 2020 jylǵa aýystyrý aryly ózgerister engize otyryp, belgilengen bastapqy memlekettik tirkeý úshin alymnyń belgilengen somasyn tóleýden jaltaryp júrgen top anyqtaldy», - dep atalyp ótken ІІM málimetinde.

Qazir Almaty qalasy polıtsııa departamenti osy is boıynsha sotqa deıingi tergeýdi bastady.

Atap aıtqanda, Almaty qalasynda jáne Almaty oblysynda 200-den astam sheteldik kólikti zańsyz tirkeý faktileri anyqtaldy. Bul rette sotqa deıingi tergeý jalǵasyp jatyr.