Almaty qalasy ákiminiń jańa orynbasary taǵaıyndaldy

<p>ALMATY. KAZINFORM &ndash; Erbolat Dosaevtyń ókimimen QR Prezıdenti ákimshiliginiń kelisimimen Almaty qalasy ákiminiń orynbasary laýazymyna Beıbit Shahanov taǵaıyndaldy.</p>

Beıbit Shahanov 1979 jyly týǵan. Abylaı han atyndaǵy Qazaq Memlekettik Halyqaralyq qatynastar jáne álem tilderi ýnıversıtetin; Qazaq memlekettik zań ýnıversıtetin; Qazaq kommertsııalyq-qarjy akademııasyn; Lankaster ýnıversıtetin (Ulybrıtanııa) bitirgen.

Eńbek jolyn 2002 jyly QR Tabıǵı monopolııalardy retteý agenttiginiń monopolııaǵa qarsy zańnamanyń saqtalýyn baqylaý departamentiniń jetekshi mamany qyzmetinen bastaǵan.

Ár jyldary Qarjy mınıstrliginiń, Bilim jáne ǵylym mınıstrliginiń, Qorshaǵan ortany qorǵaý mınıstrliginiń qurylymdyq bólimshelerinde basshylyq qyzmetterdi atqardy.

2015-2022 jyldary QR Ulttyq ekonomıka mınıstrliginiń, Investıtsııalar jáne damý mınıstrliginiń, Indýstrııa jáne ınfraqurylymdyq damý mınıstrliginiń Qurylys, turǵyn úı-kommýnaldyq sharýashylyq jáne jer resýrstaryn basqarý isteri komıtetinde jumys istedi. 
Almaty qalasy qurylys basqarmasynyń basshysy bolyp jumys istedi.

2023 jylǵy mamyrdan bastap qazirgi taǵaıyndaýǵa deıin Almaty qalasy ákimi apparatynyń basshysy boldy.