Almaty emhanasynan 340 mln teńge aqsha jymqyrǵan eki esepshi sottaldy

<p>ALMATY. KAZINFORM &mdash; Almatydaǵy №30 qalalyq emhananyń bas býhgalteri men esepshisi 4 jyl joq kadrlardyń shottaryna jalaqy aýdaryp kelgen.</p>

Medeý aýdanynyń sotynda megapolıstegi №30 qalalyq emhanasynyń bas býhgalteri H. men esepshisi T-ǵa qatysty, bóten múlikti asa iri kólemde ıemdený nemese ysyrap etý boıynsha qylmystyq is qaraldy.

Sotpen anyqtalǵandaı, bas býhgalter men esepshi, 2019 jyldyń maýsymynan 2023 jyldyń qarasha aıyna deıin jumys istemeıtin adamdardyń esepshottaryna jalaqy men ústemelerdi aýdaryp otyrǵan. Osylaısha memleketke 340 387 113 teńge shyǵyn keltirgen.

Sottalýshylar ózderiniń kinásin tolyq moıyndady.

Prokýror sottalýshylarǵa 8 jáne 7,6 jyl bas bostandyǵynan aıyrýdy surady.

«Sot úkimimen bas esepshi men esepshi kináli dep tanylyp, 7 jylǵa bas bostandyqtarynan aıyryldy. Sondaı-aq 5 jylǵa deıin materıaldyq jaýapkershilikke baılanysty qyzmetpen aınalysý quqyǵynan aıyrý jazasy taǵaıyndaldy», — dep habarlady sottan.

Úkim zańdy kúshine engen joq.