«Almaty – Djıdda» baǵyty boıynsha tikeleı áýe reısi ashylady

<p>Týrızm jáne sport mınıstriniń orynbasary Erjan Erkinbaev Saýd Arabııasynyń Er-Rııad qalasynda ótken Qazaqstan men Saýd Arabııasy saýda-ekonomıkalyq, ǵylymı-tehnıkalyq jáne mádenı yntymaqtastyq jónindegi úkimetaralyq komıssııasynyń altynshy otyrysyna qatysty, dep habarlaıdy <a href="https://kaz.inform.kz/" target="_blank" rel="noopener">Kazinform</a> mınıstrliktiń baspasóz qyzmetine silteme jasap.&nbsp;</p>

Plenarlyq otyrysta Erjan Erkinbaev elder arasyndaǵy týrızm salasyndaǵy yntymaqtastyqtyń keńeıgenin atap ótti. Máselen, kelesi jyldan bastap Qazaqstan men Saýd Arabııasy arasynda aptasyna 2 ret reısterdi oryndaıtyn «Almaty-Djıdda» baǵyty boıynsha tikeleı áýe qatynasy ashylady. 

Foto: Týrızm jáne sport mınıstrligi baspasóz qyzmeti

«Biz – jergilikti BAQ ókilderi, ınflıýenserler jáne Saýd Arabııasynyń týrıstik kompanııalary úshin elimizdiń týrıstik áleýetin kórsetý maqsatynda aqparattyq týr uıymdastyrýdy usyndyq. Bul – Saýd Arabııasynyń azamattaryna Qazaqstan tabıǵatynyń kórkem peızajdaryn óz kózimen kórýge múmkindik beredi», - dep atap ótti Erjan Erkinbaev.

Jıyn sońynda Týrızm jáne sport mınıstriniń orynbasary Erjan Erkinbaev otyrystyń barlyq qatysýshysyn 2024 jyldyń qyrkúıeginde Astana qalasynda ótetin V Dúnıejúzilik kóshpendiler oıyndaryna tamashalaýǵa shaqyrdy. Otyrys qorytyndysy boıynsha Hattamaǵa qol qoıyldy.