Almaty dárigerleri epılepsııanyń aýyr túrine shaldyqqan naýqasqa ota jasady

<p class="MsoNormal" style="text-align: justify;"><span lang="ru-KZ" style="font-size: 18.0pt; line-height: 107%; font-family: 'Times New Roman',serif;">Almaty qalasy</span><span lang="KZ" style="font-size: 18.0pt; line-height: 107%; font-family: 'Times New Roman',serif; mso-ansi-language: KZ;">ndaǵy</span><span lang="ru-KZ" style="font-size: 18.0pt; line-height: 107%; font-family: 'Times New Roman',serif;"> Ortalyq qalalyq klınıkalyq aýrýhana</span><span lang="KZ" style="font-size: 18.0pt; line-height: 107%; font-family: 'Times New Roman',serif; mso-ansi-language: KZ;">nyń</span><span lang="ru-KZ" style="font-size: 18.0pt; line-height: 107%; font-family: 'Times New Roman',serif;"> neırohırýrgııa bólimshesine epılepsııanyń aýyr túrimen aýyratyn 18 jastaǵy qyz tústi</span><span lang="KZ" style="font-size: 18.0pt; line-height: 107%; font-family: 'Times New Roman',serif; mso-ansi-language: KZ;">, dep habarlaıdy <a href="https://kaz.inform.kz/" target="_blank" rel="noopener">QazAqparat</a> Densaýlyq saqtaý mınıstrligine silteme jasap.</span></p>

Patsıenttiń dıagnozy fokaldyq qurylymdyq epılepsııa tsıstıkalyq-glıozdyq ózgerister sheńberinde farmakorezıstenttilikpen aýyrlatylǵan.

«Ol bala kezinde ıshemııalyq ınsýltpen aýyrǵan. Keıin, 12 jasynda meniń qyzymda alǵashqy ustamalar bastaldy. Kúnine eki, úsh ustama boldy. Epılepsııaǵa qarsy terapııany qabyldadyq, dáriger emdeýdi birneshe ret rettedi. Biraq jaqynda jaǵdaıy nasharlady. Qurysý kóbeıe bastady, bir kúnniń ishinde 40 ret ustama boldy, sanadym. Minez-qulqy da ózgerdi, basqalarǵa agressııa túrindegi psıhıkalyq jaǵdaıy nasharlady. Dárigerler maǵan ókinishke qaraı, epılepsııanyń aýyr túrin dári-dármekpen emdeý múmkin emesin jáne jalǵyz joly neırohırýrgııalyq hırýrgııa ekenin aıtty. Sondyqtan qalalyq ortalyq klınıkalyq aýrýhanaǵa keldim», - deıdi patsıenttiń anasy.

Osydan keıin Almatyda alǵash ret eresek adamǵa óte kúrdeli operatsııa jasaý týraly sheshim qabyldandy. Neırohırýrgııa bólimshesiniń meńgerýshisi Marat Almatovtyń aıtýynsha, mundaǵy erekshelik – operatsııa kezinde zaqymdaný progressıvti, kúshti jáne jıi ustamalar týdyratyndyqtan patsıent mıynyń jarty shary alynyp tastalady nemese óshiriledi.

«Mundaı operatsııa aýyr nevrologııalyq buzylýlar kezinde tótenshe jaǵdaılarda ǵana jasalady jáne OQKA bazasynda alǵash ret júrgizildi. Biz oń jaq jarty shardyń tik fýnktsıonaldyq gemısferotomııasyn jasadyq. Buǵan N2 QKAD neırohırýrgy Azamat Jaılǵanov kómektesti. Operatsııa kompıýterlengen neıronavıgatsııalyq júıeniń baqylaýymen 6 saǵatqa sozyldy. Bul asqyný qaýpin azaıtady», - deıdi dáriger Almatov.

Operatsııadan keıin ustama tirkelgen joq. Psıhoemotsıonaldyq jaǵdaıy, este saqtaý qabileti jaqsardy. Keshe patsıent qanaǵattanarlyq jaǵdaıda shyǵarylǵan. Ol aldaǵy ýaqytta ońaltý kýrstarynan ótýi kerek.