Almaty bıýdjeti 30%-ǵa ósti

<p>ALMATY. KAZINFORM &ndash; Almatyda jyl basynan beri jergilikti bıýdjet kirisi 30%-ǵa ósti. Bul týraly qalalyq qarjy basqarmasy málim etti.</p>

Jergilikti bıýdjetke 33,5% ósimmen 719,7 mlrd teńge kiris tústi. Bul shaǵyn jáne orta bıznes ósimi esebinen korporatıvtik salyqtyń 49,4% - ǵa ulǵaıýyna baılanysty. Sondaı-aq, áleýmettik salyq boıynsha túsimderdiń 52% - ǵa ósýi qamtamasyz etildi. 

Qarjy basqarmasy atap ótkendeı, Almatynyń memlekettik bıýdjetke qosqan úlesi 28,6 paıyz boldy. 2024 jylǵy naýryzda qala bıýdjeti 103,6 mlrd teńgege 1 726,2 mlrd teńgege deıin ulǵaıtyldy.

2023 jyly qala ekonomıkasy 10,1 paıyzǵa ósip, 24,8 trln teńgege jetti. Bul keıingi 10 jyldaǵy rekordtyq kórsetkish. 

«Ekonomıkanyń qarqyndy damýy jumyssyzdyq deńgeıin 2022 jylǵy 5,0%-dan 2023 jyly 4,8%-ǵa deıin tómendetýge múmkindik berdi. Jalpy, Almaty qalasynyń Qazaqstannyń jalpy ishki ónimindegi úlesi 20,6%-ǵa deıin ósti», - dep atap ótti Almaty qalasy ákimdiginen.