Almaty balalar arasyndaǵy sýret baıqaýynyń jeńimpazdary marapattaldy

<p>ALMATY. KAZINFORM &ndash; Almatyda &laquo;Almaly pleneri &ndash; Almalydaǵy kóktem&raquo; atty biregeı sýret baıqaýy ótti.&nbsp;</p>

Abaı atyndaǵy Qazaq ulttyq opera jáne balet teatrynyń alańynda ótken shyǵarmashylyq baıqaýǵa oqýshylar qatysty. Olar sondaı-aq «Damý bala» damytýshy balalar ortalyǵynda kórkemdik sheberlik dáristerine qatysty. 

«Shyǵarmashylyq baıqaýdy «Damý bala» ortalyqtarynyń pedagogtary ǵana emes, Almaly aýdany ákiminiń orynbasary Aınur Bekjanovanyń tóraǵalyǵymen qazylar alqasy da qadaǵalady. Júrgenov atyndaǵy Qazaq ulttyq óner akademııasynyń, sondaı-aq Qasteev atyndaǵy óner jáne dızaın mektebiniń pedagogtary syndy óz isiniń has sheberleri jumysqa baǵa berdi», - dep habarlady Almaty ákimdiginiń baspasóz qyzmeti.

Foto: Almaty qalasynyń ákimdigi

Baıqaýdy Almaly aýdany ákiminiń apparaty men «Damý Bala» platformasy uıymdastyrdy. Baıqaý úsh jas sanaty boıynsha ótti. Barlyq qatysýshy dıplomdar men kórkem jınaqtary bar shopperlerge ıe boldy. Baıqaý fınalısterine kásibı sýret jıyntyqtary bar sýretshilerge arnalǵan arnaıy sómkeler tabystaldy. 

Qazylar alqasy úsh jas tobynda eki «Músin» jáne «Kórkem sýret» nomınatsııalary boıynsha fınalısterdi tańdady. 1-3-oryn úshin 15 adam nomınatsııalar boıynsha júldege ıe boldy. 

Eske sala keteıik, buǵan deıin Almaty haıýanattar baǵynda janýarlar jazǵy volerlerge kóshirilgenin jazǵan edik.