«Almaty – baq qala»: megapolıste jańa alma baqtary paıda bolady

<p>ALMATY. KAZINFORM &mdash; &laquo;Almaty &ndash; baq qala&raquo; aktsııasy boıynsha osy jyldyń 27 sáýirinde saǵat 10.00-den 13.00-ge deıin &laquo;Almaty &ndash; bizdiń ortaq úıimiz&raquo; naýqanynyń aıasynda jasyl jelek egýmen qatar, jappaı alma aǵashtary otyrǵyzylady. 7705 jasyl jelek, onyń ishinde 4015 jemis (3855 alma aǵashy) jáne 1090 japyraqty aǵash, 2600 buta (sántal, yrǵaı, qabyrjyq, qarjemis jáne t.b.) otyrǵyzylady.</p>

«Almaty - baq qala» jalpyqalalyq aktsııasyna qatysýǵa Almatynyń barlyq turǵyny men qonaǵy shaqyrylady. Aktsııa barysynda shyǵarmashylyq baıqaýlar (tańerteńgilik jattyǵý, bı fleshmoby, ıoga, vıktorına, sheberlik dárisi jáne t.b.) ótkizý kózdelgen. 

Foto: Almaty ákimdigi

Kóshet egý josparlanǵan negizgi oryndar:

- ÚAK boıyndaǵy kósheniń soltústiginde, Jańa Saıyn kóshesiniń shyǵysynda ornalasqan saıabaq aýmaǵynda 500 jemis aǵashy (alma aǵashy – 250 dana, órik – 250 dana);

- «ALA» saıabaǵynyń aýmaǵynda 2 270 alma kósheti;

- Boraldaı ózeniniń boıyndaǵy baqylaý alańynda 1000 japyraqty aǵash.

Aýdan ákimdikteri alma alleıalaryn qurý, japyraqty aǵashtar men butalardy otyrǵyzý boıynsha jumystar júrgizedi:

- 1 245 alma aǵashy;

- 90 japyraqty aǵash;

- 2 600 buta (sántal, yrǵaı, qabyrjyq, qarjemis jáne t.b.).

Foto: Kazinform