Almaty avtobýstarynda búginnen bastap jolaqy 120 teńge boldy

<p>ALMATY. KAZINFORM — Almatynyń qoǵamdyq kóliginde 3 tamyzdan bastap birqatar ózgeris enedi. </p>

3 tamyzdan bastap qoǵamdyq kólikte jol aqysy 120 teńge bolady. 

Qaýipsizdikti arttyrý úshin qolma-qol aqshamen tóleý alynyp tastalady: júrgizýshi aqsha jınaýǵa alańdamaıdy.

Jolaýshylardyń 97%-dan astamy qolma-qol aqshasyz esep aıyrysady. 

Tólem ádisteri:

— Kólik kartasy («Onay» fılıalynda jáne 115 pýnkte qoljetimdi).
— Uıaly telefonnan SMS jiberý arqyly.
— Mobıldi qosymsha (aǵylshyn tilinde ınterfeısi bar).

Júrgizýshilerdiń zań buzýyn tirkeý úshin biryńǵaı baqylaý qyzmetin qurý máselesi qaralyp jatyr. 

Jol júrý bıletteriniń quny:

• Aılyq — 9 900 teńge.
• Stýdenttik — 4 200 teńge.
• Mektep — 2 000 teńge.
• Zeınetaqy — 3 000 teńge.

UOS ardagerleri, 75 jastan asqan zeınetkerler, 1, 2-shi toptaǵy múgedekter, 18 jasqa deıingi múgedek balalar, saıası qýǵyn-súrgin qurbandary men basqa memleketterdiń aýmaǵyndaǵy áskerı qımyldardyń ardagerleri t. b. tegin júredi. 

Stýdentter, zeınetkerler, kópbalaly analar men múgedek balalarmen birge júretinderge 50% jeńildik bar.

Qalalyq mobıldilik basqarmasy tegin aýysyp otyrýǵa múmkindik beretin jol júrý bıletteriniń jańa nusqasyn ázirlep jatyr.