Almaty aýlalaryn taza ustaýǵa 10,5 mlrd teńge bólindi

<p>ALMATY. KAZINFORM &ndash; Barlyq aýdanda merdigerlerdi anyqtaý jáne qalanyń aýla aýmaǵyn jınaý boıynsha sharttar jasaý jónindegi konkýrstyq rásimder aıaqtaldy.</p>

Almaty ákimdiginiń málimetinshe, byltyrdan beri ókilettikterdi ortalyqsyzdandyrý aıasynda megapolıste úıishilik aýmaqtardy jınaýǵa arnalǵan bıýdjet aýdandyq ákimdikterge berildi. 

Bul páter ıeleriniń kooperatıvi (PIK) kópqabatty turǵyn úıdiń aýlasyn múlde nemese sapasyz tazalaýyna baılanysty turǵyndar tarapynan shaǵymnyń kóptiginen keıin qabyldanǵan sheshim. 

Bul rette, júrgiziletin jumystyń sapasyn arttyrý maqsatynda merdiger uıymdarmen shart birden 3 jylǵa jasalady. Jalpy, bıyl 4064 aýlany tazalaýǵa 10,5 mlrd teńge bólindi. 

Foto: Almaty ákimdigi

Aýmaqtaǵy ýchaskeniń tazalyǵyn saqtaý, qala turǵyndary men qonaqtarynyń eskertýlerdi joıý jónindegi ótinishine ýaqytyly jaýap berý – merdigerlik uıymnyń mindeti. 

Aýdandyq ákimdik kommýnaldyq sharýashylyq bóliminiń qyzmetkerleri kún saıyn júrgizilip jatqan jumystarǵa monıtorıng jasap, aýdan turǵyndarynyń ótinishin qaraý boıynsha baqylaý júrgizedi.

Aýla tazalaýdyń sapasy máselesi boıynsha aýdan ákimdikteriniń telegram chatyna júginýge nemese myna telefon arqyly aqparat alýǵa bolady.