Almaty áýejaıynyń prezıdenti reısterdiń keshikkeni úshin jolaýshylardan keshirim surady

<p>ALMATY. KAZINFORM &ndash; Almaty halyqaralyq áýejaıynyń prezıdenti Alp Er Týnga Ersoı ótken aptada megapolıste reıster ne sebepti keshiktirilgenin túsindirip, keshirim surady.</p>

«Ótken jumada qalany qar basyp qaldy. Almaty áýejaıyndaǵy qardyń bıiktigi 40 sm jetti. Mundaı qalyń qarda áýejaı jumysyn retteý qıyn. Bizde eki reıs keshiktirildi, biraq soǵan qaramastan biz áýejaı ashyq boldy. Biraq qaýipsizdik erejeleri qadaǵalaý maqsatynda keshigýler boldy. Biz jolaýshylardyń ómirine qaýip tóndire almaımyz», - dep jaýap berdi Al Er Týnga Ersoı jýrnalısterdiń saýalyna.

Aıtýynsha, bul jolaýshylarǵa syltaý bolyp kórinýi múmkin.

«Biz bolashaqta keshigýlerdiń aldyn alý úshin tasymaldaýshylarmen jumys isteýdi josparlap otyrmyz», - dedi Alp Er Týnga Ersoı.

Sondaı-aq ol jolaýshylardan týyndaǵan qolaısyzdyqtar úshin keshirim surady.

«Biz jolaýshylardan yńǵaısyzdyq týdyrǵanymyz úshin keshirim suraǵymyz keledi. Mundaı jaǵdaılar qaıtalanbaýy úshin kúsh salyp jatyrmyz. Árıne, bul fors-majorlyq jaǵdaılar. Qalaı bolǵanda da, osyndaı nusqalardy boljaıtyn komıssııa qurylady», - dedi ol.

Eske salaıyq, 16 aqpanda Almaty áýejaıyndaǵy qolaısyz aýa raıyna baılanysty birqatar reıs keshikti. Keıin Air Astana Almaty áýejaıyndaǵy reısterdiń keshigý sebebin túsindirdi.