Almaty áýejaıynyń eski jáne jańa termınaly arasynda kópir ashyldy

<p>ALMATY. KAZINFORM &mdash; Almaty áýejaıynyń halyqaralyq reısterge arnalǵan jańa termınaly men ishki reısterge arnalǵan eski termınaly arasynda jańa kópir ashyldy.</p>

Buǵan deıin eki termınal arasynda tikeleı baılanys bolmaǵan edi. Eski ne jańa termınaldan ekinshisine barý úshin ǵımarattyń syrtyna shyǵyp, jaıaý júrý qajet bolatyn.

— Almaty áýejaıynda termınaldar arasynda jańa kópirdiń qurylysy aıaqtalǵanyn qýana habarlaımyz. Endi halyqaralyq jáne ishki termınaldar arasynda kóshege shyqpaı-aq ońaı jáne jyldam ótýge bolady, — dep habarlady áýejaı áleýmettik jelide.

Eske salaıyq, bıyl 1 maýsym kúni Almaty halyqaralyq áýejaıynyń jańa termınaly alǵashqy reısterdi qabyldady. 

Al Almaty áýejaıynyń prezıdenti Goker Kose áýejaıǵa taǵy 100 mln dollar ınvestıtsııa salynatynyn aıtty. 

Sondaı-aq Goker Kose eski áýejaıdaǵy bombadan qorǵanatyn oryndardy 40 jyl boıy eshkim qaramaǵanyn habarlady.