Almaty áýejaıynyń eski termınalyn jóndeýge 10 mln dollar jumsalmaq
«Biz jańa halyqaralyq jolaýshylar termınalynyń qurylysyna 200 mıllıon dollardan astam qarajat jumsadyq, sonymen qatar biz tek ishki reısterdi qabyldaıtyn qoldanystaǵy eski termınaldy jańartýǵa shamamen 10 mıllıon dollar jumsaýdy josparlap otyrmyz», - dedi ol.
Qoldanystaǵy termınaldy jańartýdy eskere otyryp, Almaty halyqaralyq áýejaıynyń jalpy ótkizý qabileti jylyna 14 mıllıon jolaýshyǵa deıin artady.
2023 jyldyń aıaǵynda áýejaı 9,5 mıllıon adamǵa qyzmet kórsetti. Jańa termınaldyń teleskopııalyq kópirleri ushaqtyń kólemine baılanysty bir ýaqytta jeti ushaqty qabyldaı alady.
Dızaınǵa sáıkes, qurylym qoldanystaǵy termınal ǵımaratyna jerústi ótkeli arqyly qosylady. Jańa úı-jaı jolaýshylarǵa ǵımarattyń syrtyna shyqpaı-aq ishki jáne halyqaralyq reısterden aýysýǵa ońaı qol jetkizýdi qamtamasyz etedi.
«Jańa halyqaralyq jolaýshylar termınalynyń qurylysy 87 paıyzǵa oryndaldy»,- dep atap ótti ol.
Buǵan deıin Alp Er Týnga Ersoı jańa termınal 2024 jyldyń jazynda qoldanysqa beriletinin aıtqan bolatyn.