Almaty áýejaıynda joǵalǵan zattar aýktsıonda satylady — feık

<p>ALMATY. KAZINFORM &mdash; Áýejaıda joǵalǵan júkterdiń satylymǵa shyǵatyny týraly aqparat jalǵan. Bul týraly Almaty áýejaıy habarlady.</p>

Almaty halyqaralyq áýejaıy joǵalǵan júkterdiń aýktsıonda satylyp jatqany týraly áleýmettik jelidegi málimetke senbeýge shaqyrdy.

— Áýejaı eshqandaı aýktsıon ótkizip jatqan joq. Eger siz joǵalǵan júkter satylymy jóninde jarnama kórgen bolsańyz, siltemesin bizge jiberip, ol paraqshaǵa shaǵymdanýlaryńyzdy suraımyz. Muqııat bolyp, alaıaqtardan saq bolyńyz, — dep habarlady áýe aılaǵynyń baspasóz qyzmeti.

Eske salaıyq, buǵan deıin Almaty — Antalıa baǵytyndaǵy ushaq aqaýyna baılanysty Aqtaý áýejaıyna qonǵanyn jazǵanbyz. 

Sondaı-aq Almaty áýejaıy aýa raıyna baılanysty jolaýshylarǵa júgingen bolatyn.