Almaty áýejaıynda shetel jumysshylary nege qaptap ketti

<p>ALMATY. KAZINFORM &mdash; Almaty áýejaıynyń jańa prezıdenti Góker Kóse mekemede sheteldik jumysshylardyń kóbeıýine baılanysty suraqqa jaýap berdi.</p>

2020 jyly mamyr aıynda túrkııalyq TAV Airports Holding holdıngi Almaty áýejaıy aktsııasynyń júz paıyzyn 415 mıllıon dollarǵa satyp alǵan bolatyn.

Sol ýaqyttan beri, ásirese, jańa termınal ǵımaraty ashylǵaly áýejaıda sheteldik jumysshylar kóbeıgen.

Mekeme basshysy Góker Kóse muny is-saparmen keletin jumysshylardyń bolýymen baılanystyrdy.

— Áýejaıda 3380 jumysshy bar. Onyń qanshaýy sheteldik ekenin naqty aıtý qıyn. Óıtkeni keı shetel azamattary ýaqytsha jumys isteıdi de, sosyn ketip qalady. Biz jahandyq kompanııamyz. Sondyqtan áýejaıda Frantsııa, Úndistan, Túrkııadan kelgen jumysshylardy kórýge bolady. Biraq is-saparmen keletin jumysshylar sany aýysyp turady. Jumys turaqtanǵan soń sheteldik jumysshylar úlesi 20%-dan aspaıdy dep oılaımyn, — dedi ol.

Aıta keteıik, buǵan deıin Prezıdenttiń Almaty áýejaıynyń jańa halyqaralyq termınalyn aralaǵanyn jazǵan edik.

Al 1 maýsym kúni jańa termınal alǵashqy reısterdi qabyldady. 

14 maýsym kúni Almaty áýejaıyndaǵy barlyq halyqaralyq reıster jańa termınalǵa aýystyryldy. 

Sondaı-aq Almaty áýejaıynyń prezıdenti jańa termınalǵa aıtylǵan synǵa jaýap berdi.