Almaty áýejaıynda memleketaralyq izdeýde júrgen qylmysker ustaldy
15:57, 13 Sáýir 2024
<p>ALMATY. KAZINFORM – 11 sáýirde Vnýkovo-Almaty baǵytyndaǵy reıs ushyp kelgennen keıin kólik polıtseıleri UQK shekara qyzmeti qyzmetkerlerimen birlesip, Reseı Federatsııasynyń 32 jastaǵy azamatyn ustady. </p>
Anyqtalǵandaı, er adamǵa 2023 jyldyń qyrkúıeginde Tájikstan Respýblıkasynyń azamattary men azamattyǵy joq adamdardy qarýly quramdarǵa, qarýly qaqtyǵystarǵa nemese basqa memleketterdiń aýmaǵyndaǵy áskerı is-qımyldarǵa zańsyz tartqany jáne qatysqany úshin memleketaralyq izdeý jarııalanǵan.
Qazirgi ýaqytta ustalǵan azamat ÝUI-ǵa qamaldy. Ony ekstradıtsııalaý máselesi qarastyrylyp jatyr.