Almaty áýejaıynda 5 reıs toqtatylyp, 60-ynyń ýaqyty shegerildi

<p>ASTANA. KAZINFORM - 16 aqpanda Almaty áýejaıynda aýa raıynyń qolaısyzdyǵyna baılanysty 5 reıs toqtatylyp, 60 reıs keshiktirildi. Qazirgi sátte 750-deı jolaýshy áýejaı termınalynda ushaqtaryn kútip otyr, dep habarlaıdy Azamattyq avıatsııa komıtetiniń baspasóz qyzmeti.&nbsp;</p>

"Almaty áýejaıy mańynda kún raıy bylaı bolyp tur: jel 4 m/sek jyldamdyqpen soǵyp tur. Tuman bar, aýa temperatýrasy -17°C. Qazirgi sátte aýa raıyna baılanysty (qalyń qar jaýýy jáne tuman basýy) ushý-qoný jolaǵyn tazalaý jumysy júrgizilýde" delingen habarlamada. 

17 aqpanda kún raıy ózgerýi yqtımal: jeldiń ekpini 3 m/s, joldyń kórinýi 3100 m, qar jaýýy toqtaıdy dep boljanyp otyr, al aýa temperatýrasy -15°C bolady. 

"Kún raıy durystalsa, áýe reısteriniń kestesi de qalpyna keledi. Áýejaı basshylyǵy iske jumyldyrylǵan, kompanııanyń ókilderi túgel jumys ornynda jáne jolaýshylarǵa kerek aqparatty der kezinde jetkizip otyr. Reısterdiń keshiktirilýi áýeli jolaýshylardyń qaýipsizdigi úshin istelip otyr. Ol — azamattyq avıatsııa jumysynyń basymdyq beriletin baǵyty. Keshikken reıs ózinen keıingi reısterdiń de keshigýine sebepker bolýy múmkin. Sondyqtan jolaýshylar áýejaıdyń anyqtama qyzmetinen óz ushaǵynyń statýsyn aldyn ala anyqtap alǵany durys", - delingen habarlamada.