Almaty áýejaıy reısterdi qabyldaı bastady

<p>ALMATY. KAZINFORM &ndash; Almaty áýejaıynda jaǵdaı turaqtalyp keledi.</p>

Almaty halyqaralyq áýejaıy baspasóz qyzmetiniń málimetinshe, áýejaı ushyp keletin reısterdi qabyldaı bastady.

«Ushý-ketý reısterine qatysty jaǵdaı áli de ózgerissiz, jaýyn-shashyn qarqynynyń tómendeýin kútemiz»,- dep habarlady áýejaıdan.

Buǵan deıin Almaty halyqaralyq áýejaıynda aýa raıynyń qolaısyzdyǵyna baılanysty reıster keshigip jatqanyn jazǵan edik.

Búgin Almaty ákimdigi aýa raıynyń nasharlaýyna baılanysty kommýnaldyq qyzmetterdiń kúsheıtilgen jumys rejımine kóshkenin aıtqan bolatyn.