Almaty arnaıy HQO basshysynyń orynbasary alaıaqtyqpen ustaldy

<p>ALMATY. KAZINFORM &ndash; Almaty qalasy boıynsha Sybaılas jemqorlyqqa qarsy qyzmet &laquo;Azamattarǵa arnalǵan úkimet&raquo; memlekettik korporatsııasy&raquo; KEAQ fılıaly №1 mamandandyrylǵan bólimi basshysynyń halyqqa qyzmet kórsetý jónindegi orynbasaryna qatysty sotqa deıingi tergeý júrgizýde.</p>

«Ol qujattardy kedergisiz qabyldaý jáne júrgizýshi kýálikterin alý úshin avtomektep kýrsanttaryn emtıhan tapsyrýǵa jiberý syltaýymen jergilikti kásipkerden 930 myń teńge somasynda alaıaqtyq jolmen aqsha qarajatyn ıemdendi dep kúdiktelýde.

Tergeý jalǵasýda», — dep jazdy Antıkordan.

Qylmystyq-protsestik kodeksiniń 201-babyna sáıkes ózge aqparat jarııa etýge jatpaıdy.

Konstıtýtsııanyń 77-baby 3-tarmaǵynyń 1-tarmaqshasyna jáne Qylmystyq-protsestik kodeksiniń 19-baby 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árbir adam kinásiz dep esepteledi.