Almaty «Álemdegi eń lastanǵan iri qalalar» tizimine endi

<p>ALMATY. KAZINFORM &mdash; 5 jeltoqsannan bastap Almaty&nbsp;&laquo;Álemdegi eń lastanǵan iri qalalar&raquo; tizimine resmı túrde qosyldy. Bul reıtıngti Shveıtsarııanyń <a href="https://www.air.org.kz/" target="_blank" rel="noopener">IQAir</a> halyqaralyq kompanııasy júrgizedi.&nbsp;</p>

Sol kúni Almaty top-10 qataryna enip, saǵat 17:00–de 5-orynǵa kóterildi. Bizdiń qala Karachı, Baǵdat, Shanhaı jáne Bishkek sııaqty megapolıstermen bir qatarda tur. Besinshi orynda bolǵan sátte Almatydaǵy ortasha AQI (Aýa sapasynyń ındeksi) kórsetkishi 169 boldy, bul deńgeı «densaýlyqqa zııandy» dep sanalady.

Endi almatylyqtar qaladaǵy aýa sapasyn álemniń basqa iri qalalarymen salystyra alady.

Іri qalalardyń reıtıngi shamamen 120 iri ári tanymal megapolısti qamtıdy. Qalalar Aýa sapasynyń ındeksi (AQI) boıynsha baǵalanady. Bul kórsetkish memlekettik organdar, zertteý ınstıtýttary, úkimettik emes uıymdar, kompanııalar jáne eriktiler basqaratyn myńdaǵan monıtorıng stantsııalary men datchıkterden jınalǵan málimetter negizinde esepteledi. Reıtıng saǵat saıyn jańaryp otyrady, bul aýa sapasyndaǵy ózgeristerdi naqty ýaqyt rejıminde baqylaýǵa múmkindik beredi.

Reıtıngtiń maqsaty — álemdegi iri qalalardyń aýa sapasyn qarapaıym ári túsinikti túrde kórsetý. Bul ormandardaǵy órtter, bıomassanyń janýy, óndiristik belsendilik, qumdy daýyldar jáne aýa raıy jaǵdaılarynyń aýanyń lastanýyna áserin aıqyndaýǵa kómektesedi.

Reıtıngti IQAir saıtynan nemese Airvisual mobıldi qosymsha arqyly kórýge bolady.

IQAir týraly

IQAir — adamdarǵa, uıymdarǵa jáne úkimetterge aýa sapasyn jaqsartýǵa aqparat pen yntymaqtastyq arqyly kómek beretin shveıtsarııalyq tehnologııalyq kompanııa.

Almaty Air Initiative (AAI) qory týraly

Almaty Air Initiative (AAI) — Almatynyń aýa sapasyna qatysty máselesin sheshý úshin qurylǵan jeke qor. Onyń qyzmeti zertteýler júrgizýge, ekologııalyq jaǵdaıdy baqylaýǵa jáne Qazaqstanda ekologııalyq ádilet qaǵıdattaryn nyǵaıtatyn jobalyq modeldi ázirleýge baǵyttalǵan. Qordyń negizin qalaýshylar — inDrive negizin qalaýshy jáne bas dırektory Arsen Tomskıı men Sergek Group IT kompanııalary tobynyń teń quryltaıshysy jáne Freedom Telecom bas dırektory Qaırat Ahmetov.

Eske salsaq, sınoptıkter buǵan deıin Astana, Almaty, Qyzylorda, Aqtóbe, Atyraý, Pavlodar, Balqash, Temirtaý, Jezqazǵan, Qaraǵandy qalalarynda aýa sapasy nasharlaıtynyn boljaǵan bolatyn.