Almaty ákimdigi krematorıı qurylysyn júrgizgen merdigerdi sotqa berdi
Almaty ákimdiginiń málimetinshe, merdiger jumysty belgilengen merzimde aıaqtaǵan joq. Shartta kórsetilgen talaptar oryndalmady. Eger nysannyń bekitilgen qabyldaý aktisi bolmasa, onyń jumys isteýine jol berilmeıdi.
«Sharttyń qoldanylý merziminiń aıaqtalýyna jáne onda kórsetilgen mindettemelerdiń tıisinshe oryndalmaýyna baılanysty Almaty qalasynyń mamandandyrylǵan aýdanaralyq ekonomıkalyq sotyna merdiger uıymdy memlekettik satyp alýǵa jaýapsyz qatysýshy dep taný jáne jergilikti bıýdjetke turaqsyzdyq aıybyn óndirý týraly aryz berildi», - dep habarlady ákimdikten.
Aıta keteıik, ǵımarattaǵy qurylys-montaj jumystary 2021 jyldyń jeltoqsan aıynda aıaqtalǵan bolatyn.
Syrtqy ınjenerlik jelilerdi, onyń ishinde ornatylǵan peshterdi paıdalaný úshin gazben jabdyqtaý jelisin tartý jumystary 2022 jyldyń mamyrynda qosý kózdelgen edi.
Eske salaıyq, 2020 jyldyń jazynda krematorıı qurylysynyń jobalyq-smetalyq qujattaryn jasaýǵa tender jarııalanǵan bolatyn.
Qurylys quny – 1,3 mlrd teńge.