Almaty ákimdigi kóliktiń ústine qulaǵan aǵashtyń sebebin atady

<p>Almaty qalalyq Ekologııa jáne qorshaǵan orta basqarmasy Qaldaıaqov pen Bógenbaı batyr kósheleriniń buryshynda qulaǵan aǵashqa qatysty túsinik berdi, dep habarlaıdy <a href="Kazinform" target="_blank" rel="noopener">Kazinform</a>.</p>

«Basqarma qyzmetkerleri aǵash qulaǵan jerge baryp, tekserý barysynda qulaǵan emenniń syrtqy qabaty áli zaqymdanbaǵanyn anyqtady. Bul aqparat «Almaty qalasynyń jasyl jelekter reestri» arqyly da rastalady. Aldyn ala málimet boıynsha nóser jańbyr aǵashtyń tamyryndaǵy topyraqty shaıyp ketken. Sonyń saldarynan aǵashtyń ózegine dáýir salmaq túsken»,- dep habarlady basqarmadan.

Qazirgi ýaqytta merdiger uıym qozǵalys bóligine qulaǵan aǵashty joldan alyp, tazartyp jatyr.
Basqarma málimetinshe,Almaty qalasynyń aýmaǵynda 84 myńnan astam apatty aǵash bar, onyń 35 myńy kóshe boıynda, 49 myńy aýla aýmaqtarynda.

Búginde 13 myńnan astam apatty aǵash kesildi, sondaı-aq ortaq jerlerge 145 myń kóshet otyrǵyzyldy.

Buǵan deıin Almatynyń ortalyǵynda alyp aǵashtyń kóliktiń ústine qulaǵany týraly jazǵan bolatynbyz.