Almatyda velosıpedti jalǵa berý qyzmeti nelikten toqtap tur

<p>ALMATY. KAZINFORM - Almaty ákimdigi &ldquo;Almaty bike&rdquo; velosıpedterin jalǵa berý qyzmetin qamtamasyz etý úshin qazan aıynyń sońynda jeke kompanııamen shart jasasty. Degenmen, bul sheshimge áleýmettik jelidegi shaǵymnan soń, ákimdik nelikten aýa raıy salqyndap, qys jaqyndaǵanda ǵana mundaı kelisim jasalǵanyn túsindirdi.</p>

Almaty ákimdiginiń málimetine sáıkes, «Almaty bike» jumysyn qamtamasyz etý úshin jyl basynan beri Qalalyq mobıldilik basqarmasy memlekettik satyp alýǵa 3 konkýrs ótkizgen. Alǵashqy eki baıqaý qyzmet kórsetýshilerdiń bolmaýyna baılanysty toqtatylǵan. Al úshinshi konkýrstyń qorytyndysy boıynsha bıyl 19 tamyz kúni jeńimpaz bolyp «Geo Proekt Injınırıng» JShS anyqtaldy.

Alaıda 23 tamyz kúni konkýrsqa qatysqan eki kompanııa da konkýrs qorytyndysymen kelispeı, Almaty qalasy boıynsha Іshki memlekettik aýdıt departamentine shaǵym joldaǵan. Departament shaǵymdy qarap, 5 qyrkúıekte olardy qarastyrýdan bas tartqany týraly jaýap joldady.

«Osy jyldyń 4 qazanynda konkýrs qorytyndysy negizinde Qalalyq mobıldilik basqarmasymen „Geo Proekt Injınırıng“ JShS arasynda qyzmet kórsetýge shart jasaldy. Alaıda 21 qazan kúni atalǵan uıymmen jasalǵan shartty jaramsyz dep taný týraly Almaty qalasynyń mamandandyrylǵan aýdanaralyq ákimshilik sotyna talap-aryz joldady. Búgingi tańda sot talqylaýlary júrip jatyr», — dep habarlady ákimdikten.

Eske salaıyq, buǵan deıin Qonaev ákimdigi qalada aıaqtalmaǵan jumysqa 12 mlrd teńge tólengenin joqqa shyǵardy.