Almaty ákimdigi erekshe qajettiligi bar 2 myńnan astam adamdy jumyspen qamtymaq

<p>ALMATY. KAZONFORM &ndash;&nbsp; Almatyda erekshe qajettiligi bar turǵyndar biliktiligin arttyryp, eńbek mobıldiligi ortalyǵy arqyly oqýdan ótýge múmkindik alady. Sondaı-aq olarǵa &laquo;Ten Qogam&raquo; ortalyqtary arqyly kásiptik terapııa men kásibı daǵdylardy damytý boıynsha qyzmetter qoljetimdi bolady.</p>

«2023 jyly eńbek mobıldi ortalyǵyna erekshe qajettiligi bar 2860 azamat júginip, 1965 adam jumyspen qamtyldy. Bul rette 244 adam turaqty jumys oryndaryna, 502 adam áleýmettik jumys oryndaryna, 661 adam «Bastaý bıznes» baǵdarlamasy boıynsha oqýǵa jiberildi», - dep atap ótti Almaty qalasy ákiminiń orynbasary Ásem Núsipova ınklıýzıvti ortany damytý jónindegi keńestiń birinshi otyrysynda.

Onyń aıtýynsha, bıyl jyl basynan beri eńbek mobıldi ortalyǵyna erekshe qajettiligi bar 993 azamat júgingen. 533 adam jumyspen qamtý sharalarymen qamtylsa, al 2024 jyldyń sońyna deıin keminde 2,2 myń adamdy jumysqa ornalastyrý kózdelgen.

«Bizdiń basty mindetimiz – azamattardyń ózin-ózi tanýy, eńbegi úshin materıaldyq syıaqy alýy úshin yntalandyrýlar jasaý jáne tıisinshe, olardyń ómir súrý sapasyn arttyrý. Bul jalaqynyń keminde 70%-y sýbsıdııalaý arqyly, sondaı-aq jumys berýshilerdiń arnaıy jumys oryndaryn jabdyqtaýǵa arnalǵan jabdyqtardy satyp alýǵa jáne ornatýǵa jumsaǵan shyǵyndaryn óteý arqyly júzege asyrylady», - dedi Almaty qalasy ákiminiń orynbasary.