Almaty ákimdigi Abaı dańǵyly nege ashylmaı jatqanyn túsindirdi
Ákimdikten málim etkendeı, Alataý dańǵylynan Stroıtelnaıa kóshesine deıingi ýchaskedegi kólik qozǵalysy 29 qyrkúıekte ashylýy kerek bolatyn. Alaıda Stroıtelnaıa kóshesimen qıylystaǵy jumys kezinde jobada eskerilmegen ınjenerlik jeliler anyqtaldy. Osyǵan baılanysty atalǵan aýmaqty ashý merzimi shegerildi.
«Qazir Stroıtelnaıa kóshesiniń boıynda esepke alynbaǵan elektr jáne baılanys jelilerin alyp tastaý jáne sý aǵyzatyn qubyrlardy tartý jumystary júrgizilip jatyr. 16 qazanda Abaı dańǵyly men Stroıtelnaıa kóshesiniń soltústik jaǵy, 21 qazanda ońtústik jaǵynda kólik qozǵalysyn ashý jospardy», - dep habarlady qala ákimdiginiń baspasóz qyzmeti.
Eske salaıyq, Abaı dańǵyly qurylysynyń jalǵasýyna baılanysty Alataý dańǵylynan Stroıtelnaıa kóshesine deıingi ýchaske 19 qyrkúıekten 29 qyrkúıekke deıin jabylǵan bolatyn.
Osyǵan deıin qala ákimi Erbolat Dosaev Abaı dańǵylyn uzartý jumystary qarasha aıynda aıaqtalatynyn jetkizgen edi.
Budan bólek, ol Almatyda 72 jer ýchaskesi memleket qajettiligine májbúrli túrde alynatynyn aıtty.