Almaty ákimi Prezıdent atynan qalanyń 93 turǵynyna elimizdiń damýyna qosqan úlesi úshin nagradalardy tapsyrdy
Marapatqa elimizdiń áleýmettik-ekonomıkalyq jáne mádenı damýyna eleýli úles qosqan almatylyqtar usynyldy. Olardyń ishinde densaýlyq saqtaý, bilim berý, mádenıet, bıznes, kólik salalarynyń ókilderi, eńbek ardagerleri, sondaı-aq qoǵam jáne saıası qaıratkerler bar.
Memleket basshysynyń Jarlyǵymen 1-dárejeli «Barys» ordenimen «Bıbi-Ana» qaıyrymdylyq qorynyń prezıdenti Bıbigúl Imanǵazına marapattaldy. «Qazaqstannyń eńbek sińirgen qaıratkeri» qurmetti ataǵy sýretshi Alekseı Ýtkınge, Jambyl atyndaǵy Qazaq memlekettik akademııalyq fılarmonııanyń solısi Gúlnar Qurambaevaǵa jáne taǵy basqalarǵa berildi.
Almaty ákimi «Parasat» ordenin Akýsherlik, gınekologııa jáne perınatologııa ǵylymı ortalyǵy dırektorlar keńesiniń tóraıymy Záýresh Amanjolovaǵa, «Dos-Muqasan» VIA tobynyń qatysýshysy Ulyqpan Sydyqovqa jáne t. b. tabys etti; «Qurmet» ordenimen Halyqaralyq bilim berý korporatsııasynyń professory Tańatqan Abaqanov, Belsendi uzaq ómir súrý ortalyǵynyń dırektory Sáýle Beketaeva, Qazaqstan Sýretshiler odaǵynyń tóraǵasy Ómirbek Jubanııazov, eńbek ardagerleri Qýanysh Abdýhalımov, Lıza Karımova, Janat Shanına jáne taǵy basqalar marapattaldy.
Sondaı-aq Memleket basshysynyń atynan Erbolat Dosaev:
-3 - dárejeli «Eńbek Dańqy» ordenin – «Almaty tazalyqtyń» jol jumysshysy Dına Darıbaevaǵa, «Almatyelektrotrans» trolleıbýs parkiniń júrgizýshisi Gúlbarshyn Kýkaevaǵa, Almaty jylý jelileriniń slesari Sergeı Padalıange, № 405 avıajóndeý zaýytynyń slesari Altymbek Jaqsybaev jáne t. b;
- «Eren eńbegi úshin» medalin – J. Jabaev atyndaǵy № 161 lıtseı muǵalimi Aqylkúl Ábdikaıymovaǵa, «Almaty tazalyqtyń» jol jumysshysy Mádı Bekmuhanbetovke, dombyrashy Aıbek Brımgazınge, Almaty TJD Órt sóndirý jáne avarııalyq-qutqarý jumystary qyzmeti bólimshesiniń komandıri Ǵalym Nurdáýletovke, «City-bus» JShS slesari Aslan Týǵanbaevqa jáne t. b.;
- «Shapaǵat» medalin - Túrksib aýdany kópbalaly otbasylar odaǵynyń tóraıymy Bıbırabe Aıymbetovaǵa, Bostandyq aýdany psıhologııalyq-pedagogıkalyq túzetý kabınetiniń defektology Aıgúl Kenjeevaǵa, «Kedergisiz KZ» múgedek adamdar qoǵamynyń tóraıymy Merýert Qulahmetovaǵa, qalalyq Adam reprodýktsııasy ortalyǵynyń akýsher-gınekolog dárigeri Chapen Sarmýldaevaǵa, «QazStroı Monolıt» JShS bas dırektory Keremet Ahanovqa jáne taǵy basqalarǵa tabys etti.
Іs-sharaǵa Qazaqstan halqy Assambleıasynyń, qalanyń qoǵamdyq keńesiniń, jastar uıymdarynyń ókilderi, mádenıet qaıratkerleri, JOO rektorlary, máslıhat depýtattary jáne basqalar qatysty. Saltanatty marapattaý rásimi qala ákimdiginiń ǵımaratynda ótti.