Almaty-3 vokzalynyń alǵashqy jobasy qashan daıyn bolady

<p>ALMATY. KAZINFORM &ndash; 2023 jyly Almaty qalasynyń bas jospary bekitildi. Onda jańa temirjol vokzaly &ndash; Almaty-3 vokzalynyń qurylysy qarastyrylǵan. Kazinform tilshisi jańa nysanǵa baılanysty Almaty qalasy Qalalyq mobıldilik basqarmasyna saýal joldap, vokzal qurylysy qazir qandaı satyda ekenin surady.&nbsp;</p>

Qalalyq mobıldilik basqarma basshysynyń orynbasary Asan Bostanovtyń aıtýynsha, qazirgi ýaqytta jańa vokzaldyń tehnıkalyq-ekonomıkalyq negizdemesi ázirlenip jatyr.

– Basqarma «Almaty-3 temirjol vokzalynyń qurylysy» tehnıkalyq-ekonomıkalyq negizdemesin ázirleý boıynsha jumystar júrgizýde. Shartqa sáıkes jumystardyń aıaqtalý merzimi – 2025 jyldyń qańtar aıy. Jobanyń tehnıkalyq jáne qarjylyq parametrleri, onyń ishinde naqty quny, qarjylandyrý kózi, iske asyrý merzimi, memlekettik qoldaý sharalary, ınvestıtsııalar kólemi tehnıkalyq-ekonomıkalyq negizdeme ázirlengennen keıin belgili bolady, - dedi ol.

Basqarma jaýabyna sáıkes, Almaty-3 temirjol vokzalynyń qurylysy «Mádenıet» shaǵyn aýdanynyndaǵy Arýana kóshesiniń batysynda qarastyrylǵan. 

Sondaı-aq Asan Bostanov qazirgi ýaqytta Almaty-1,2 temirjol vokzaldaryn jáne oǵan tıesili aýmaqty jóndeý men abattandyrý jumystary aldaǵy ýaqytta josparlanbaǵanyn atap ótti. 

Aıta ketken jón, Almaty-1, Almaty-2 temirjol vokzaldary jáne oǵan tıesili aımaq «QTJ» AQ-nyń Almaty magıstraldyq bólimshesinen 2019 jyldyń 26 maýsymynda Almaty qalasynyń memlekettik aktıvter basqarmasyna berilgen bolatyn. Keıin qos vokzal Almaty qalasy Qalalyq mobıldilik basqarmasyna bekitildi.

Eske salaıyq, buǵan deıin temirjol salasyndaǵy tarıf júıesi qaıta qaralýy múmkin ekenin jazǵanbyz.