Eco Almaty JShS-niń mobıldi ekologııalyq zerthanasy qalalyq tabıǵatty qorǵaý prokýratýrasymen birlesip Almaty-2 vokzaly aýmaǵynda temirjol kóliginiń lastaýshy zattar shyǵaryndylaryna monıtorıng júrgizdi.
— Tekserý barysynda lokomotıvterdiń shyǵaryndy gazy ólshendi. Monıtorıng nátıjeleri boıynsha jekelegen kórsetkishter boıynsha normadan asyp ketý faktileri anyqtaldy. Atap aıtqanda, kómirtegi oksıdiniń (CO) kontsentratsııasy 17,45 boldy, al bir rettik shekti ruqsat etilgen kontsentratsııa (ShRK) 5,0. Bul belgilengen normatıvten shamamen 3,5 ese joǵary, — dep habarlady Almaty ákimdigi.
Sondaı-aq kúıe (qara kómirtegi) boıynsha da asyp ketý tirkeldi: kontsentratsııasy 0,528 mg/m³ boldy, al bir rettik ShRK 0,15 mg/m³. Bul da normatıvten shamamen 3,5 ese joǵary.
Eco Almaty JShS ekologııalyq monıtorıng júrgizip, shyǵaryndylar kórsetkishterin tirkeıdi. Zań buzý týraly aqparat Almatynyń ekologııa departamentine jáne tabıǵatty qorǵaý prokýratýrasyna odan ári qaraý jáne tıisti sharalar qabyldaý úshin joldandy.
Eske salaıyq, buǵan deıin mamandar «Doschan-M» avtoparkiniń avtobýstaryna monıtorıng júrgizgenin jazǵanbyz.
Barlyǵy 87 avtobýs tekserildi. Ólsheý nátıjesinde dızel otynymen júretin 26 avtobýsta ýyttylyq normatıvteriniń shekten asqany anyqtaldy.