«Almaty 2-Atyraý» jolaýshylar poıyzy májbúrli túrde toqtady - QTJ

<p>Tótenshe jaǵdaıǵa baılanysty Jambyl oblysynyń Qordaı jáne Shý aýdandarynda poıyzdardyń qozǵalysyn úılestirý úshin barlyq qatysy bar qyzmetter men Kóliktegi polıtsııa departamenti basshylyǵynyń qatysýymen jedel shtab quryldy, dep habarlaıdy <a href="https://www.inform.kz/" target="_blank" rel="noopener">Kazinform</a>.</p>

«Qazaqstan Temirjoly» ulttyq kompanııasynyń málimetinshe, Shymkent-Taraz jáne Shý-Otar temirjol ýchaskelerinde aýa raıynyń nasharlaýyna baılanysty poıyzdar qozǵalysy jyldamdyǵyna shekteý engizildi. Osyǵan baılanysty 30-dan astam jolaýshylar poıyzy qozǵalys kestesinen artta qaldy. Temirjolshylar táýlik boıy kóliktiń úzdiksiz jumysyn qamtamasyz etýde.

«Qozǵalys qaýipsizdigin qamtamasyz etý jáne kesteni túzetý úshin Astana-Almaty-Astana, Atyraý-Almaty, Aqtóbe-Almaty, Almaty-Jezqazǵan baǵyttary boıynsha alty jolaýshylar poıyzynyń júrýi toqtatyldy.

Qarly tsıklon óńirde elektr energııasymen jabdyqtaýdyń úzilýine sebep boldy, sonyń saldarynan «Almaty 2 — Atyraý» jolaýshylar poıyzy májbúrli túrde toqtady. Temirjolshylar elektrovozdy tez arada teplovozǵa aýystyrdy», — dep jazdy vedomstvodan.

Ulttyq tasymaldaýshy kompanııa 10,8 myń jolaýshyǵa tamaq uıymdastyrdy (onyń 5,7 myńy — vagon-meıramhanalar men vagon-barlarda, 5,1 myńnan astamy — Shý, Shymkent jáne Otar stantsııalarynda).

Sondaı-aq, osy kezeńde temirjolshylar 11 myń tekshe metr qar shyǵardy.

«Jolaýshylarǵa yńǵaıly bolý úshin bılet kassalary táýlik boıy jumys istedi. 14-18 jeltoqsan aralyǵynda toqtatylǵan poıyzdarǵa 5 myńnan astam bılet qaıtaryldy», — dep tolyqtyrdy kompanııadan.