Almasadam Sátqalıev MAGATE Bas dırektorymen kezdesedi

<p><span style="font-family: sans-serif; font-size: 18px;">Qazaqstan delegatsııasynyń MAGATE Bas konferentsııasynyń 67-shi sessııasyna qatysady. Bul týraly QR Syrtqy ister mınıstrliginiń resmı ókili Aıbek Smadııarov aıtty, dep habarlaıdy QazAqparat tilshisi.</span></p>

«2023 jylǵy 25-29 qyrkúıekte Energetıka mınıstri Almasadam Sátqalıev bastaǵan Qazaqstan Respýblıkasynyń delegatsııasy Atom energııasy jónindegi halyqaralyq agenttiktiń (AEHA) Venada ótip jatqan Bas konferentsııasynyń 67-shi sessııasyna qatysady. Qazaqstannyń atom energııasyn beıbit maqsatta paıdalaný salasyndaǵy áleýetin kórsetý maqsatynda «Qazatomónerkásip» Ulttyq atom kompanııasy» AQ, QR Ulttyq ıadrolyq ortalyǵy jáne QR ıAdrolyq fızıka ınstıtýty birlesip aqparattyq stend-pavılon uıymdastyrdy. Konferentsııa aıasynda MAGATE-men yntymaqtastyqty damytý boıynsha is-sharalar ótkizý josparlanǵan», - dedi A. Smadııarov aptalyq brıfıngide.

Onyń aıtýynsha, A. Sátqalıev basqa elderden kelgen delegatsııalardyń basshylarymen, sondaı-aq MAGATE Bas dırektory Rafael Grossımen ekijaqty kezdesý ótkizedi.