Almasadam Sátqalıev AES referendýmy týraly: bári ashyq ótedi

<p>ASTANA. KAZINFORM &ndash; Energetıka mınıstri Almasadam Sátqalıev atom elektr stantsııasyn salý týraly referendýmǵa halyqty belsene qatysýǵa shaqyrdy.&nbsp;</p>

«Biz barshany azamattyq ustanymyn bildirýge jáne referendýmǵa qatysýǵa shaqyramyz. Referendým tıimdi ótýi úshin halyqtyń 50% qatysyp, olardyń kem degende 50% Qazaqstannyń atom energetıkasy men atom ındýstrııasyn damytýdy qoldaýy qajet. Óz tarapymnan protsestiń ashyq, tıimdi jáne transparentti bolatynyna kepildik beremin. Biz sheshim qabyldaý kezinde Qazaqstan azamattarynyń pikirin eskeretin bolamyz. Referendýmnyń krıterııleri belgili - qaýipsizdik, qorshaǵan ortaǵa mınımaldy áser, perspektıvalar jáne ekonomıkalyq faktorlar», - dedi Almasadam Sátqalıev Úkimet úıinde BAQ ókilderiniń saýalyna jaýap bere turyp.

Eske sala keteıik, maýsymda Memleket basshysy AES jónindegi referendýmnyń kúzde ótetinin aıtqan edi.

Sondaı-aq, AES týraly referendýmda qazaqstandyqtarǵa qandaı suraq qoıylýy múmkin ekendigi týraly jazǵan edik.