Almasadam Sátqalıev AES qurylysy týraly: elimizde mańyzdy sheshim qabyldanǵaly tur

<p>ASTANA. KAZIFORM &ndash; QR Energetıka mınıstri Almasadam Sátqalıev atom ónerkásibi qyzmetkerlerin kásibı merekelerimen quttyqtady.</p>

«Atom ónerkásibi qyzmetkerleri kúnimen! Qurmetti áriptester, sala ardagerleri jáne qymbatty dostar!

Sizderdi Qazaqstan Respýblıkasy Energetıka mınıstrliginiń atynan Atom salasy qyzmetkerleriniń kúnimen shyn júrekten quttyqtaımyn!

Sizderdiń bilimderińiz ben joǵary kásibı biliktiligińiz – elimizdiń energetıkalyq bolashaǵynyń irgetasyn qalaýda.

Sizdiń kúsh-jigerińizdiń arqasynda elimizdiń atom salasy álemdik arenada kósh bastap keledi.

Búginde elimiz mańyzdy sheshim qabyldaýdyń aldynda tur.

Qoǵam men energetıka salasy úshin ózekti taqyryptardyń biri – Qazaqstanda atom elektr stansasyn salý týraly aldaǵy referendým ótkeli jatqany belgili.

Atom energetıkasy elimizdi energetıkalyq táýelsizdik pen turaqty damýdyń jańa deńgeıine shyǵarýǵa qabiletti progrestiń qýatty qozǵaltqyshyna aınalýy múmkin.

Qurmetti atom salasynyń qyzmetkerleri! Ólsheýsiz eńbekterińiz ben jańashyldyqqa umtylǵan qarymdy qyzmetińiz úshin shyn júrekten alǵys aıtamyn.

Sizderge zor densaýlyq, amandyq jáne jańa kásibı jetistikter tileımin! Barlyq bastamalaryńyz tabysty bolyp, Qazaqstannyń jarqyn bolashaǵyna qosqan úlesterińiz arta bersin!»,-delingen quttyqtaýda.