Almas Sadýbaev Qorǵasta shekarashynyń soqqyǵa jyǵylýyna qatysty túsinikteme berdi
08:41, 20 Qyrkúıek 2018
ASTANA. QazAqparat - QR Іshki ister mınıstrliginiń resmı ókili Almas Sadýbaev áleýmettik jelidegi áskerı qyzmetshiniń soqqyǵa jyǵylǵany beınelengen vıdeoǵa qatysty túsinikteme berdi, dep habarlaıdy QazAqparat tilshisi.
«Vıdeodaǵy oqıǵa «Qorǵas» halyqaralyq shekara mańy yntymaqtastyǵy ortalyǵynyń aýmaǵynda bolǵan. Almaty oblysynyń turǵyny shekara qyzmetiniń áskerı qyzmetshisine kúsh qoldanyp, onyń betinen judyryǵymen uryp jibergen. Qazirgi ýaqytta buzaqy ustalyp, oqıǵanyń mán-jaıy anyqtalyp jatyr», - dedi Almas Sadýbaev.