Almaly aýdanynyń ardagerleri úshin merekelik shara uıymdastyryldy
13:27, 09 Mamyr 2011
ALMATY. 9 mamyr. QazAqparat /Erbol Azanbek/ - Almatynyń Almaly aýdanynda Uly Otan soǵysynyń 357 ardageri turady. Búgin aýdan ákimdiginiń uıymdastyrýymen olar úshin Arbat alańynda arnaıy merekelik shara ótti.
Shara barysynda ardagerlerdi aýdan ákimi Marat Pirinbekov, aýdandyq ardagerler keńesiniń tóraǵasy Zeken Ádilbekov quttyqtady. Sondaı-aq estrada juldyzdary men jas ónerpazdar arnaıy kontsert berdi. Dástúrli soldat ashanasy jaıylyp, ardagerler maıdan dalasy týraly estelikter aıtty.
Qazirgi kezde aýdanda 357 UOS ardagerimen qatar 3340 eńbek ardageri turady. Bulardyń 41 tósekke tańylǵan, 153-i úıden shyǵa almaıtyn halde. Olarǵa ákimshilik qyzmetkerleri baryp, arnaıy quttyqtady. Aýdandyq ardagerler keńesiniń tóraǵasy Zeken Ádilbekovtiń aıtýynsha, jyl ótken saıyn aýdanda ardagerler sany azaıyp barady. «Sondyqtan olarǵa qurmet te ulǵaıýy tıis»,- dedi Z.Ádilbekov.