Alma Túsipbekovanyń «Aq qanatty perishtem» jyr kitaby jaryq kórdi
Óziniń júrekke jyly tıer, shalqar sezimge baı, názik syrǵa toly jyrlarymen respýblıkalyq merzimdi baspasóz betterinen jıi kórinip júrgen aqynnyń, bul - ekinshi kitaby. Oǵan keıingi kezderi jazylǵan jyrlary toptastyrylypty.
Jyr kitabyna engen óleńderdiń basym kópshiliginde adamzatqa ortaq ózekti taqyryptar qozǵalatyndyǵymen erekshelenedi. Mysaly, «Júrgesin tirilerdiń tiziminde» atty óleńinde Alma aqyn Afrıka taıpasynyń turǵyndary ashtyqtan álsirep, Úndiniń soltústigine kelip, ózderiniń búırekterin satýǵa deıin barǵanyn jazady.
Talantty aqyn, halyqaralyq «Alash» ádebı syılyǵynyń laýreaty Ǵalym Jaılybaı jas aqynnyń jańa kitabyna alǵys sóz jazyp, «Óleń ólkesinen ózindik jolyn tapqan qaryndasymyz shyn máninde aıtary bar aqyn» deı kele, oǵan sát sapar tilegen.