Alma ımportynan qutylý úshin 8,2 myń gektar alańda 22 baq salynady
12:31, 26 Sáýir 2022
NUR-SULTAN. QazAqparat – 2025 jylǵa qaraı elimizde 22 alma baǵy salynady. Bul týraly búgin Úkimet otyrysynda QR Aýyl sharýashylyǵy mınıstri Erbol Qarashókeev aıtty, dep habarlaıdy QazAqparat tilshisi.
«2021 jyly alma ımportynyń úlesi 99,4 myń tonnany qurady. Al ózimizdiń ónimnen 262,8 myń tonna jınaldy. Importty tolyq almastyrý 2025 jylǵa qaraı 8,2 myń gektar alańda 22 baqsha salý esebinen josparlanyp otyr», - dedi mınıstr.
Onyń dereginshe, 2021 jyly shujyq ónimderi ımportynyń úlesi 47 myń tonnany, jergilikti óndiris 60,7 myń tonnany qurady.
«2025 jyldyń sońyna deıin et óńdeý boıynsha 24 ınvestıtsııalyq jobany iske asyrý josparlanýda. Onyń ishinde jalpy óndiristik qýaty 87,4 myń tonna shujyq ónimderin shyǵaratyn 4 iri kásiporyndy iske qosý kózdelgen», - dedi Erbol Qarashókeev.