Alma-Arasan shatqalyna aparatyn jol jóndeledi

ALMATY. QazAqparat- Alma-Arasan shatqalyna aparatyn jol 2023 jyly jóndeledi. Bul týraly Almaty ákimi Erbolat Dosev turǵyndarmen kezdesý barysynda aıtty, dep habarlaıdy QazAqparat tilshisi.

Jol máselesin Bostandyq aýdanynyń turǵyny kóterdi.

Aıtýynsha, qala turǵyndarynyń súıikti demalys orny – Alma-Arasan shatqaly. Ekopostan ótkenen keıingi jol óte nashar.

«Jyl saıyn tek shuńqyrlardy jaýyp ketedi. Jóndeý jumystary qashan júrgiziledi»,- dep saýal qoıdy aýdan turǵyny.

Erbolat Dosaev bul joldyń qalaǵa qaramaıtynyn aıtty.

«Bul jol «Qazavtojoldyń» balansynda. Bıyl joba daıyndap jatyr, kelesi jyly qurylysty qarjylandyrýǵa ótinim beredi. Men ózim jaqynda osy baǵytta júrip, bul joldyń sapasyn kórdim. Olar ony bıyl alady dep úmittenemin. Sondaı-aq biz úshin týrızm men halyq demalysyn damytý mańyzdy. Olarǵa qoldaý kórsetý úshin osy máselege óz úlesimdi qosýǵa tyrysamyn»,- dep jaýap berdi ol.