Alkogol ónimderiniń aınalymyn retteý týraly jańa zań bıyl qabyldanýy múmkin - Salyq komıtetiniń tóraǵasy

ASTANA. 24 qazan. QazAqparat - Alkogol ónimderiniń aınalymyn retteý týraly jańa zań jobasy aǵymdaǵy jyldyń sońyna deıin qabyldanýy múmkin. Búgin QR Prezıdenti janyndaǵy Ortalyq kommýnıkatsııalar qyzmetinde ótken baspasóz máslıhatynda QR Qarjy mınıstrligi Salyq komıtetiniń tóraǵasy Ánýar Jumadildaev osylaı aıtty.

Jańa qujattyń tolyq ataýy - «QR alkogol ónimderi men etıl spırtin óndirý jáne onyń aınalymyn memlekettik retteý máseleleri jónindegi keıbir zańnamalyq aktilerge ózgerister men tolyqtyrýlar engizý týraly» zań jobasy. Oǵan sáıkes, keshki saǵat 21:00-den bastap kúndizgi 12:00-ge deıin dúkenderde alkogol ónimderin satýǵa tyıym salý josparlanǵan. Ondaı taýarlar tek 21 jastan asqan azamattarǵa ǵana satylady. Sondaı-aq alkogol ónimderiniń aktsızdik salyǵy kóteriledi. Degenmen, ol shara ishimdiktiń naryqtyq baǵasyna aıtarlyqtaı áser etpeıdi. Qazirgi kezde biz atalǵan zań jobasy boıynsha tyǵyz jumys istep jatyrmyz. Bári durys bolsa, jeltoqsan aıyna deıin ony Parlamenttiń qaraýyna engizemiz. Bálkim, bıyl ony qabyldaıdy. Onda zań jańa jyldan bastap kúshine enedi», - dep atap kórsetti Á.Jumadildaev.