Alkogolǵa aktsızdi kóterý bıýdjetke jylyna 20 mlrd. teńge kiris ákeledi - Bıshimbaev
«Meniń bilýimshe, osy jerde aktsızdi tabak, alkogol ónimderin óndirýshiler de otyr. Daıyn ónimge aktsızdi kóterýdi, biraq, óndiriste qoldanylatyn etıl spırtine arnalǵan aktsızdy tómendetýdi Alkogol ónimderin óndirýshiler qaýymdastyǵynyń ózi kótergen bolatyn. Bul bizdiń óndirýshilerge reseılik ımportpen jáne basqa da elderdiń ımportymen baǵa turǵysynda barynsha tabysty básekeles bolýǵa múmkindik beredi. Sondyqtan biz sáıkesinshe saıasat júrgizýdemiz. Aktsızder ortasha eseppen 45 paıyzǵa kóteriletindigin atap ótkim keledi. Bul bıýdjetke shamamen 20 mlrd. teńge qosymsha kiris ákeledi», - dedi mınıstr.
Sonymen qatar, ol aktsızdi kóterý 2017-2019 jyldarǵa josparlanǵanyn aıtty. Onyń sózine qaraǵanda, 2017 jyly bir lıtrine 2 000 teńge, 2018 jyly 2 275 teńge, 2019 jyly 2 550 teńge ósedi.
«Alkogol ónimderin eksporttaý kezinde otandyq óndirýshilerdiń básekege qabilettiligin kúsheıtý jáne qosarlanǵan salyq salýdy boldyrmaý maqsatynda alkogol ónimderin óndirý úshin satylatyn jáne qoldanylatyn etıl spırtine aktsızdiń nóldik mólsherlemesin (qoldanystaǵy mólsherleme - 60 teńge/lıtr) belgileý usynylady», - dedi Bıshimbaev.