Alqaptarǵa sebiletin tyńaıtqyshtyń 25,5%-y SQO-ǵa tıesili

ASTANA. QazAqparat – Bıyl egis alqaptaryna sebiletin tyńaıtqyshtyń 25,5%-y SQO-ǵa tıesili. Úkimet otyrysynda Aýyl sharýashylyǵy mınıstri Erbol Qarashókeev osyndaı málimet keltirdi, dep habarlaıdy QazAqparat tilshisi.

«Qazirgi tańda mınıstrlik egin jınaý naýqanyn júrgizýge qajetti arzandatylǵan dızel máselesimen aınalysyp jatyr.

Aıta ketý kerek, aýylsharýashylyq taýar óndirýshiler dızeldiń qajetti kólemin memlekettik aqparattyq júıedegi modýl arqyly elektrondy jolmen satyp alady.

Máselen, atalǵan júıe arqyly 368,2 myń tonna otynǵa 28,5 myńnan astam ótinim berilgen. Qazirgi tańda mınıstrlik jóneltý kestesin qalyptastyrý úshin Energetıka mınıstrligine jiberiletin jalpy ótinimdi qalyptastyrýda», - dedi Almasadam Sátqalıev.

Sondaı-aq, ol fermerlerdi tyńaıtqyshpen qamdaý máselesine de toqtaldy.

«Bıyl shamamen 704 myń tonna tyńaıtqysh sebý josparlanǵan. Osy baǵyt boıynsha sýbsıdııalar alý abǵytyndaǵy barlyq problemalar sheshildi. Tólem óńirlerdi qarjylandyrý jospary boıynsha iske asýda.

Búgingi tańda fermerlerge 464,7 myń tonnadan astam tyńaıtqysh jóneltildi. Bul ótken jyldyń sáıkes kúnimen salystyrǵanda 68,7 myń tonnaǵa artyq.

Munda atap ótetin jaıt 180 myń tonna tyńaıtqysh nemese respýblıkalyq kólemniń 25,5%-y Soltústik Qazaqstan oblysynda sebý josparlanǵan», - dedi ol.